Për të gjithë ata që do duan ta vizitojnë më nga afër përmes varkave të vogla ishullin, Maligradi do ju zbulojë dhe një surprizë të këndshme: Kishën e Shën Mërisë.

Vetëm 20 minuta larg nga Korça ndodhet Parku Kombëtar i Prespës, një nga parqet natyrorë më të mëdhenj e mbresëlënës të Shqipërisë, i përbërë nga dy liqene. Po në Prespë ndodhen 30 monumente të kulturës bizantine dhe një numër i madh veprash të antikitetit.

Nëse i kushtoni ditën ngjitjes në malin e Moravës, nuk mund të humbisni edhe Parkun Kombëtar “Bredhi i Drenovës”, i cili njihet për burimet e shumta natyrore.

Dikur një vendbanim i fiseve ilire, Vithkuqi shërben si një vendtakim për njerëzit që duan të njihen më nga afër me traditën, zakonet dhe festat me karakter fetar të zonës. Nëse doni të shijoni një pushim absolut majë një kodre, shtëpitë me gur hapen për këdo turist që do të qëndrojë aty, duke ju dhënë mundësinë të njiheni nga afër edhe me banorët mikpritës të fshatit.

Fshati njihet për kuzhinën tradicionale të nivelit të lartë, falë tavernave ku gatuhet lakrori i pjekur në saç, petaniku, petullat apo mishi i freskët. Natyra e mrekullueshme me burimet e ujit të akullt dhe relievin që mundëson zhvillimin e një sërë aktiviteteve sportive, e bëjnë Boboshticën mjaft të preferuar.

I shtrirë në afërsi të qytetit të Korçës, kjo zonë ofron peizazhe natyrore përrallore me një vlerë të shtuar për turizmin natyror e kulturor. Parku Kombëtar është shtëpia e shumë kafshëve të egra të kësaj zone dhe është e pasur nga prania e bimësive të rralla.

Dardha është një nga fshatrat turistikë më autentik të Shqipërisë. Shtëpi prej guri, kurora të gjelbëra pyjesh që vishen me të bardhë në dimër dhe një pastërti ajri që të mbush mushkëritë e të bën të ndjehesh i rigjeneruar plotësisht, janë ato detaje që e veçojnë fshatin e Dardhës.

Ky fshat turistik shquhet si perla e peizazheve natyrore. Në të ndodhen 7 kisha me afreske, të cilat i kanë mbizotëruar kohës dhe janë dëshmitare e qytetërimit të hershëm. Natyra pak e eksploruar dhe turizmi i skive e bëjnë Voskopojën një nga fshatrat më të vizituara të vendit.